Gjennom eiga forsking skal arbeidet med masteroppgåva gje studentane djupare innsikt i teori og metode innanfor kulturhistorieforskinga. Det skal òg gje studentane ei meir sjølvstendig haldning til historiske framstillingar og historisk kjeldemateriale i tillegg til innføring i sjølvstendig vitskapleg arbeid. Studentane skal sjølve bruka fagleg teori, metodar og teknikkar i løysinga av historiske problem.
Masteroppgåva i kulturmøte skal vera ei vitskapleg avhandling som byggjer på eit sjølvstendig studium av (historiske) kjelder og relevant litteratur.
Masteroppgåva er obligatorisk for mastergradsstudentar, tilsvarar halvparten av mastergradsstudiet og utgjer 60 studiepoeng.
Studentar på Mastergrad i kulturmøte har krav på rettleiing i arbeidet med oppgåva. Studentane er òg pliktige til å leggja oppgåva fram for rettleiing underarbeidet med henne. Rettleiinga vil bli regulert gjennom ein individuell rettleiingsavtale. Kandidaten skal i startfasen av arbeidet med masteroppgåva, i samråd med rettleiar, levera ein synopsis/ei prosjektskisse på maksimalt 20 000 teikn utan mellomrom i Word (10 sider). Arbeidet med og innhaldet i prosjektskissa, sjå emneplan for KUM302. Skissa skal vera godkjend av rettleiar før kandidaten går vidare med masterppgåvearbeidet.
Vi vil tilby ulike periode-/temaseminar knytt til dei einskilde emna på mastergraden. Ein ventar at kandidaten tek del på seminar som tematisk blir knytte til eiga masteroppgåve og at kandidaten legg fram delar av oppgåva si til diskusjon her.
Endeleg vurdering skjer på grunnlag av masteroppgåva med munnleg karakterjustering. Den leverte oppgåva skal ha eit omfang på
190.000 - 240.000 teikn utan mellomrom i Word, med punktstorleik 12, linjeavstand 1,5. Notar, tabellar, bibliografi og vedlegg kjem i tillegg. Innleveringsfrist er medio mai i vårsemesteret og medio november i haustsemesteret.
Ved karakterfastsetting vil det bli nytta standard-skalaen frå A til F, der E er lægste ståkarakter.
.
Faglitteratur etter avtale mellom rettleiar og student.
.
Emnet vert evaluert i samsvar med HVO sitt kvalitetssikringssystem.