Emnekode:
REP101/201
Emnenamn:
Reportasjearbeid i framand kultur - samarbeid med Mangalore University
Studiepoeng (ECTS):
30,00
Ope / lukka emne:
Lukka
Forkrav:
Studiet skal inngå som del av eit bachelorstudium i journalistikk ved Høgskulen i Volda. Studentane må ha tatt minst 60 studiepoeng ved HVO for å være kvalifisert til å få opptak på studiet (minimum Journalistikk 1, MEV 1 og MEV 2). Studentane må skrive ein motivasjonssøknad på engelsk i tillegg til å møte til eit intervju med opptakskomiteen. Intervjuet er på engelsk. Talet på studentar som blir tatt opp til studiet blir mellom 8 og 12.
Undervisningssemester:
Haust
Læringsmål:
Målet med studiet er å gi trening i å arbeide journalistisk i ein framand kultur og i å lage reportasjar. Studentane får ei innføring i viktige sider ved kulturen, historia, massemedia og dagleglivet i India. Gjennom opphaldet i utlandet skal studentane få auka forståinga for andre kulturar og på den måten få andre faglege perspektiv. Studiet vil også gi studentane betre engelskkunnskapar.
Innhald:
Forelesingar om ”Development Communication” i Volda og i Mangalore.
Forelesingar om ”Journalism in India” i Mangalore.
Forelesingar om moderne indisk historie, sosialantropologi, kultur, politikk og samfunnsliv.
Forelesingar i reportasjearbeid og korleis arbeide journalistisk i ein framand kultur.
I tillegg skal studentane lage eit medieprodukt med metoderapport i samråd med Avdeling for mediefag. Til oppgåva skal det være et valfritt pensum.
Organisering og arbeidsmåtar:
Organisering
Studiet er delt inn i 3 bolkar:
8 veker innføring ved Høgskulen i Volda. (veke 34 – 41)
7 veker i India.(veke 42 – 48)
3 veker etterarbeid ved Høgskulen i Volda. (veke 49 – 51)
Medieproduksjon fram til innleveringsfrist 10 desember 2004.
Studentane skal samarbeide med dei indiske journaliststudentane over Internett med planarbeid i samband med medieprodukta som skal lagast når dei kjem til India.
Vesentleg ved opphaldet i India er samarbeidet med dei indiske journaliststudentane om å lage reportasjar frå indisk daglegliv og kultur.
Arbeidskrav (må vere godkjende for å kunne gå opp til eksamen):
I dei vekene studentane er i Volda skal dei skrive 2 oppgåver på engelsk om sentrale tema i pensum. Kvar av oppgåvene skal vere på 5 – 6 sider. Tema for oppgåvene blir gitt av fagansvarlig.
Vurdering og eksamen:
Den avsluttande vurderinga i emnet består av eit medieprodukt med ein metoderapport der kartakteren evt vert justert med munnleg eksamen. Ved munnleg eksamen kan ein og få spørsmål frå pensum elles.
Krav til medieproduktet
Med bakgrunn i kunnskap og erfaringar frå ekskursjonane og forelesingane skal studentane lage eit medieprodukt knytt til Journalistikk studiet. Medieproduktet skal også ha ein metoderapport på 5-10 sider. Tematikk for medieprodukt må godkjennast av studentens faglærar ved Høgskulen i Volda. Faglæraren skal også være tilgjengelig som rettleiar over Internett.
Medieproduktet kan være på100- eller 200-nivå: dette avtalast med avdelinga ut frå studenten sin utdanningsplan, eller etter kor langt i studiet han/ho har kome.
Pensum (kan bli endra fram til semesterstart):
John Fiske: British Cultural Studies and Television. In Allen (Ed.): Channels of Discourse, Reassembled. Routhledge 1992 (37 sider)
Rangaswami Parthasarathy: Journalism in India: From the Earliest Times to the
Present Day. Sterling Publishers 1995 (344 sider)
Keval J. Kumar: Mass Communication in India. Jaico 1996 (269 sider)
K. M. Sen: Hinduism. Penguin Religion and Mythology 1987 (150 sider)
Metcalf, B. D. and Metcalf T. R.: A Concise History of India. Oxford University Press 2002 (295 sider)
Ravi S. Vasudevan (editor): Making Meaning in Indian Cinema. Oxford University Press 2000 (300 sider)
Roman ar (skjønnlitterære bøker):
Khushwant Sing: A Bride for the Sahib, and other stories. Orient 1967(160 sider)
V. S. Naipaul: An Area of Darkness. Penguin 1979 (257 sider)
Larry Collins, Dominique Lapierre: Freedom at midnight.Tarang 1978 (464 sider)
Ruskin Bond (editor): The Penguin Book of Classical Indian Love Stories and Lyrics.
Penguin Books India 1996 (243 sider)
Filmar:
Satyajit Ray: Ganashatru. 1989
J. OmPrakash: Aasha
2 aktuelle filmar på kino saman med indiske studentar under opphaldet.
CD-ar
The Ravi Shankar Collection
Evaluering og kvalitetssikring:
Studiet blir evaluert i tråd med Høgskulen i Volda sitt system for kvalitetssikring