Studiehandbok 2008/2009

Studentane skal gjennom emnet utvikle:

• Kunnskap om perspektiv, teoriar og metodar som er relevante for å analysere og forstå utviklingstrekka og utfordringane i lokale og regionale samfunn.
• Kompetanse til å initiere arbeid for målretta samfunnsutvikling gjennom governance i praksis – spesielt ved bruk av kommunikative metodar.
• Evne til kritisk bruk av ulike modellar og "oppskrifter" for samfunnsarbeid, medverknads- og planprosessar.
• Praktisk handlingskompetanse i å designe og leie prosessar som ledd i lokalt utviklingsarbeid og i å lage planprogram for samfunnsplanlegging.
• Kunnskap om samanhengen mellom proaktivt utviklingsarbeid og korleis planleggingssystemet kan brukast til å skape utvikling og samfunnsendring.
• Evna til kritisk refleksjon over eiga rolle som utviklingsaktør og prosessleiar.

Målgruppa er personar som ønskjer å vidareutdanne seg innanfor lokalt og regionalt samfunnsutviklingsarbeid med vekt på kommunikative arbeids- og planleggingsmetodar. Emnet er eigna for
- nyutdanna med profesjonsutdanningar eller anna høgare utdanning
- fagfolk i praksis (planleggarar, leiarar og andre tilsette) med ansvar for lokalsamfunnsarbeid, samfunnsplanlegging og utviklingsoppgåver i kommunar, fylkeskommunar og stat eller i privat og frivillig sektor.

Endringar i samfunnstruktur skaper nye utfordringar for lokale samfunn i bygd og by. Til dømes er rolla og makta til dei sivile samfunna sterkt svekka i forhold til den profesjonelle staten og den globaliserte marknaden. Emnet legg vekt på utfordringane som ulike lokale samfunn står ovanfor, analyse av evnene dei har til å svare på slike og utvikling av strategiar og tiltak for å møte utfordringar (kapabilitet). Emnet skal fungere som ei syntese av aktivt utviklingsarbeid og heilskapleg lokal samfunnsplanlegging (sosial, kulturell, økonomisk og fysisk) med vekt på korleis ein praktisk kan stimulere og leie utviklings- og endringsprosessar i lokale samfunn.

Emnet er øvingsorientert med stor vekt på gruppearbeid med sams metodelæring og erfaringsutveksling på tvers av fag, forvaltningsnivå og offentlig-, privat- eller frivillig sektor m.m. Emnet legg stor vekt på å arbeide med dei utfordringar og tema som deltakarane sjølv arbeider med.

Samling 1: Ideutvikling og kreativ problemløysing som ledd i strategiutvikling og kommunikativ planlegging. Siktemålet med samlinga er å gi både ei teoretisk oversikt over utfordringar innan feltet og praktisk-metodisk kunnskap. Det blir gjennomgått ulike arbeidsteknikkar og kommunikasjonsformer med stor vekt på øving i metodane og drøfting av bruksområda. Det blir lagt vekt på å få fram at kreativitetsteknikkar byggjer på både instrumentell og kommunikativ rasjonalitet, og kan fremme deltaking, demokrati og læring. Korleis slike metodar kan brukast i lokal og regional planlegging og utviklingsarbeid står sentralt. Gjennom dette vil ein førebu studentanes på utarbeiding av eigne prosessplanar.

Samling 2: Målretta samfunnsutvikling – utfordringar, teoriar og metodar.
Samlinga gir ei innføring i kva som ein internasjonalt og nasjonalt meinar med utvikling av lokalsamfunnets evne til felles handling – spesielt med vekt på korleis ein kan utvikle det sivile samfunnet i bygd og by gjennom maktstyrking (empowerment). Korleis kan ein stimulere utviklinga av samarbeid mellom aktørar, evna til mobilisering, kunnskapsutvikling og relasjonsutvikling? Kva er utfordringane i ulike typar lokalsamfunn og korleis kan ein møte utfordringane? På samlinga øver ein på å designe egna prosessar for lokal mobilisering, medverknad og samarbeid.

Samling 3: Prosessplanlegging – frå utfordring til handling
Samlinga omhandlar initiering, planlegging, gjennomføring og evaluering av prosjekt i lokalsamfunn, kommunar og anna offentleg verksemd – tverrfaglige prosjekt og prosjektorganisering som virkemiddel i lokal utvikling og planlegging. Prosjekta sin plass i vert illustrert med døme på prosjektarbeid/ utviklingsarbeid i regionar, kommunar, lokalsamfunn og organisasjonar og gjennom presentasjon og planlegging av deltakarane sine eigne prosjekt. Det er lagt vekt på øvingar i planlegging av samansette, tverrfaglege prosessar.

Asle Farner har hovudansvar for undervisninga: http://www.aslefarner.no/

Undervisninga er organisert i 3 vekesamlingar i vårsemesteret - mandag er normalt studiedag, organisert undervisning på tysdag til og med fredag.
Samling 1: Veke 4
Samling 2: Veke 8
Samling 3: Veke 14

Undervisninga er lagt opp med ein kombinasjon av forelesingar, gruppearbeid, presentasjon og drøfting i plenum m.m. Det er lagt vekt på praktiske øvingar med utgangspunkt i deltakarane sine eigne utfordringar. Det blir forventa at deltakarane driv sjølvstudium mellom samlingane og at dei leverer heimeoppgåver for kommentering.

Deltakarane får tilgang til eit eige rom i Fronter der ein kan finne detaljert program, førelesingar m.m. og der ein kan levere heimeoppgåver for å få kommentar, kommunisere med medstudentar og lærarar m.m.

Alle samlingane er øvingsbaserte der kommunikasjon mellom deltakarane for å løyse eigne og andre sine planleggingsutfordringar står sentralt. Derfor er det krav om obligatorisk oppmøte på desse (80%) for å kunne framstille seg til eksamen.

Studentane skal skrive to heimeoppgåver som faglærar kommenterer, og som studenten så kan bearbeide vidare for innlevering. Den eine skal formast som ein prosessdesign for deltaking/mobilisering av til dømes aktørar i lokale samfunn, og den andre som ei sjølvvalt oppgåve (fagleg artikkel). Fristar for innlevering av heimeoppgåvene for kommentering og til endeleg innlevering til eksamensmappe blir sett i løpet av semesteret.

Karakterskalaen går frå A til F, der A er best og E er lågaste ståkarakter.

Emnet har eit pensum på om lag 1200 sider.

Amdam, J. og R. Amdam (2000): Kommunikativ planlegging. Samlaget. Oslo. 100 s, spesielt del III.

Farner, Asle ( 2008): Verksted som verktøy - Å planlegge og lede workshops. Kommuneforlaget. Oslo. s. 11 til 213, 202 s.

Friedmann, J. 1992: Empowerment. The Politics of Alternative Development. Blackwell publishers. Cambridge MA & Oxford UK. 170 sider.

Healey, Patsy et. al. 1999: Institutional Capacity-building, Urban Planning and Urban Regeneration Projects. I Futura vol. 18. no. 3. 20 s.

Levin, Morten og Monica Rolfsen, 2004: Arbeid i team: læring og utvikling i team. Fagbokforlaget. Bergen. 150 s.

Lorentzen, Håkon (2004): Fellesskapets fundament – sivilsamfunn og individualisme. Pax. 150 s.

Nyseth, Torill og Nils Aarsæther (2002): Nærdemokrati : teori og praksis. Oslo : Samlaget. 150 s.

Twelvetrees, Alan (2002): Community work. New York: Palgrave. 190 s

Westhagen, H. (2003): Prosjektarbeid. Utviklings- og endringskompetanse. Gyldendal Akademiske forlag. 160 sider.

Utdrag frå:
Putnam: 1993: Making Democrasy Work

Putnam 2000: Bowling Alone.

Emnet vert evaluert i samsvar med HVO sitt kvalitetssikringssystem