Studentane skal gjennom studiet utvikle:
- Kunnskap om perspektiv, teoriar og metodar som er relevante for regional utvikling og regional samfunnsplanlegging - med vekt på kommunikativ planlegging og utvikling.
- Evne til kritisk vurdering av ulike modellar og "oppskrifter" for regional utvikling, samfunnsendring, partnarskap mellom privat og offentleg sektor m.m.
- Kompetanse til å analysere og forstå utviklingstrekka og utfordringane i regionale samfunn.
- Kunnskap om samanhengen mellom proaktivt utviklingsarbeid og korleis det regionale planleggingssystemet kan brukast til å skape utvikling og samfunnsendring.
- Evna til kritisk refleksjon over eiga rolle som planleggar og utviklingsaktør.
I heile Europa er regionar i fokus i politikk og planlegging, mellom anna fordi det er aukande ulikskapar mellom sentrum og periferi. I dette kurset er regionar omfatta som samfunn mellom nasjon og lokalsamfunn - territorium med til dømes sams identitet, sams næringsstruktur, administrativ inndeling eller sams bu-, arbeid- og serviceområde. Emnet legg vekt på utfordringane som ulike regionar står ovanfor, analyse av evnene dei har til å svare på slike og utvikling av strategiar og tiltak for å møte utfordringar. Emnet skal fungere som ei syntese av aktivt utviklingsarbeid og heilskapleg regional samfunnsplanlegging (sosial, kulturell, økonomisk og fysisk) med vekt på korleis ein kan stimulere og leie utviklings- og endringsprosessar i regionale samfunn. Partnarskap mellom det sivile samfunnet, næringslivet, demokratiske institusjonar og offentleg administrasjon i endringsarbeidet står sentralt. I tillegg til "vanlege studentar" er emnet difor eigna for planleggarar, leiarar og andre tilsette med ansvar for samfunnsplanlegging, regional utvikling og andre leiaroppgåver i kommunar, fylkeskommunar og stat, og leiarar i privat og frivillig sektor som har mykje kontakt med offentleg sektor og viktige roller i regionalt utviklingsarbeid.
Samling 1: Utfordringar for og teoriar om regionalt utvikling
Samlinga gir innsyn i drivkrefter i regionale nærings- og samfunnsstrukturar i Noreg og i utlandet, ulike teoretiske perspektiv på regional utvikling og skal utvikle ei kritisk forståing av kva utviklingsprosessar og politikk som har ført til den noverande strukturen. Like eins vert drøfta kva utfordringar som noverande utviklingstrekk kan føre til av omfordeling og endring i ein territoriell samanheng. Samlinga gir også oversikt over kva utviklingsstrategiar som kan nyttast for å få endra utvikling og kva teoretisk grunnlag som strategiane har. Samlinga gir innføring i planleggingsteori, offentlege planleggingssystem, strategisk planlegging og regional utvikling - det minimum som trengst for å take resten av kurset om ein ikkje har grunnutdanning i samfunnsplanlegging. Artikkeloppgåva blir utdelt og kommentert.
Samling 2: Kapabilitet - forholdet mellom regional utvikling og planlegging
Samlinga gir innsyn i utviklinga av regionale samfunn, og kva som kan gjerast for å stimulere regionale handlingsmiljø. Kva kapabilitet - evne - har regionale samfunn til å møte utfordringar og korleis kan denne kapabiliteten utviklast? Er det mogleg å styre regional utvikling utanfrå eller innanfrå - eller må det brukast meir konkurransebaserte, proaktive og mobiliserande arbeidsmåtar? Kva er grensene for og rolla til planlegging og planleggarar av regional utvikling under ulike forhold? Kva virkemiddel og arbeidsmåtar er aktuelle for å stimulere regional utvikling - kva bruksområde har dei? Kva slags utviklings- og planleggingsteoriar og -strategiar kan nyttast for å skape ønskt endring. Det er lagt stor vekt på kva som stimulerer regionale utviklingsprosessar, og korleis kommunar, fylke og stat kan bidra til utvikling av samfunn i samarbeid med private partnerar.
Samling 3: Organisering - Politikk og strategi - regional framtid - partnarskap
Samlinga tek for seg ulike politiske retningar og strategiar innan regional utvikling og planlegging i spesielt Europa og i Noreg. Forholdet mellom politikk og planlegging for utvikling av regional framtid står sentralt - spesielt kva rolle det regionale nivået kan ha i forhold til lokale, nasjonale og internasjonale strukturar og prosessar - partnarskap med andre aktørar lokalt og nasjonalt. Det er spesielt fokus på interessekonfliktar, men også samarbeidsmoglegheiter mellom aktørar.
I denne samlinga vert det også orientert nærare og gitt øving/rettleiing om oversiktsoppgåva.
Ansvarleg faglærar: Professor Jørgen Amdam,
Heimeside: http://www.hivolda.no/index.php?ID=11494
Undervisninga er organisert i 3 vekesamlingar, med mandag normalt som studiedag og organisert undervisning tirsdag til fredag. Tema i samlingane er organisert slik at ein følgjer den vanlege gangen i strategisk planlegging, veke kan endrast og vil verte bestemt i undervisningsplanen for kurset:
Samling 1: Veke 37. Utfordringar for og teoriar om regionalt utvikling og planlegging
Samling 2: Veke 40. Kapabilitet - regionalt utviklings- og planleggingsarbeid
Samling 3: Veke 46. Organisering - politikk og strategi - regional framtid
Undervisninga er lagt opp med ein kombinasjon av forelesingar, gruppearbeid, presentasjon og drøfting i plenum m.m. Det er lagt vekt på praktiske øvingar med utgangspunkt i deltakarane sine eigne utfordringar. Det blir forventa at deltakarane driv sjølvstudium mellom samlingane og at dei leverer heimeoppgåver for kommentering.
Deltakarane får tilgang til eit eige elektronisk klasserom (Fronter) der program for samlingar, førelesingar m.m. vert tilgjengeleg for nedlasting, der deltakaren kan levere oppgåver for kommentar og kommunisere med læraren og med kvarandre.
Studentane skal skrive to heimeoppgåver, ein artikkel og ei oversiktsoppgåve (heimeeksamen).
Oppgåveteksten for artikkelen vert gitt ved starten av studiet. Det blir høve til innlevering av utkast heile hausten som faglærar kommenterer og som studenten så kan bearbeide vidare for endeleg innlevering. Den skal formast som vitskapleg artikkel med eit omfang på ca. 12 sider (inntil 5000 ord), og skal synleggjere at kandidaten kjenner og kan bruke pensum eller tilsvarande litteratur på ein systematisk og vitskapleg måte.
Oversiktsoppgåva (heimeeksamen) vert gitt i slutten av semesteret og med frist på normalt 2 døgn og utan kommentar frå faglærar. Denne oppgåva skal teste studentane sine evner til å bruke kunnskapen utvikla gjennom kurset i ein intensiv arbeidssituasjon, og blir normalt gitt som ein kombinasjon av spørsmål som krev både korte og utdjupande svar. Omfang ca. 12 sider (inntil 5000 ord).
Avsluttande vurdering i emnet skjer på grunnlag av to eksamensdelar, ei oppgåve og ein 2 dagars heimeeksamen (sjå Arbeidskrav). Kvar av delane tel 50%. Det blir gitt bokstavkarakter. Skalaen går frå A til F der A er best, og E er lavaste ståkarakter.
Aktuell litteratur
Emnet har eit pensum på om lag 1500 sider, dette vert fastsett ved studiestart:
Bakgrunn - om norske tilhøve og regional utvikling og som er forventa kjend:
Onsager, Knut og Tor Selstad (red. 2004): Regioner i utakt. Tapir. eller
Selstad, Tor m.fl. (2004): Regionenes tilstand. KRD. http://odin.dep.no/krd/norsk/tema/distrikts/fou/016061-220016/dok-bn.html
Bøker der størstedelen er aktuelt pensum (kan verte justert):
Allmendinger P. & M. Tewdwr-Jones (eds. 2002): Planning Futures. New Directions for Planning Theory. Routledge. London and New York. 200 s.
Amdam, J. og R. Amdam (2000): Kommunikativ planlegging. Samlaget. Oslo. 300 s.
Amdam, J. og N. Veggeland (1998): Teorier om samfunnsplanlegging. Universitetsforlaget. 230 s.
Amdam, R. (2005): Planlegging som handling. Universitetsforlaget. 220 s.
Healey, P. (1997/2005): Collaborative Planning. Shaping Places in Fragmented Societies. Macmillan Press Ltd. London. Kap. 1, 2, 3, 4, 7, 8, 9 - 245 sider.
Nilsson, J-E. og Å. Uhlin. (2002): Regionala innovasjonssystem. En fördjupande kunnskapsöversikt. VINNOVA (kan lastast ned) 90 s.
Veggeland, N. (2000). Den nye regionalismen. Europeisk integrasjon og flernivåstyring. Fagbokforlaget. Bergen. 167 s.
Aktuelle artiklar og utdrag av bøker - døme - nærare presisering i orientering i Classfronter:
Nilsson, J-E. (1998): Blomstrande näringsliv. Krefter och motkrefter bakom förändringar i europeiska och amerikanska regioner. IVA. ISBN 91-7082-630-7. Stockholm. 230 sider.
Wicken, Olav 1997: Regionenes industrialisering - et historisk perspektiv. 31 s. I Isaksen, A. (red. 1997): Innovasjoner, næringspolitikk og regionalpolitikk. Høyskoleforlaget.
Asheim, B.T. & A. Isaksen (1997): Location, agglomeration and innovation: Towards regional innovation systems in Norway? European Planning Studies, 5.3, 299-330.
Offerdal, A. 1992: Den politiske kommunen. Samlaget 1992. s. 8 -55, 89 -105, 65 sider
Healey, Patsy et. al. 1999: Institutional Capacity-building, Urban Planning and Urban Regeneration Projects. I Futura vol. 18. no. 3. 20 s.
Eriksen, E.O. 1998: Kommunikativ ledelse. Om verdier og styring i offentleg sektor. Bergen: Fagbokforlaget. Kap. 2. 22 s.
Forester, John: Argument, Power and Passion in Planning Practice. I Mandelbaum m.fl. 1996.
Bryson, John M. & Barbara C. Crosby: Planning and the Design and Use of Forums, Arenas, and Courts. I Mandelbaum m.fl. 1996.
Bolan, Richard S.: Planning and Institutional Design. I Mandelbaum m.fl. 1996.
Peter Maskell m. fl. 1998: Localised Learning and Regional Development. Routledge. s. 1 - 72.
Törnquist, G. 1997: Människa, teknik och territorium. NordREFO 1997:4. 135 sider.
Walter B. Stöhr 1990: Global Challenge and Local Response. Mansell. Utdrag s. 1 - 54.
Storper. M. 1997: The regional world. New York Kap. 2, 10 og 11. 70 s.
Friedmann, John: Two Centuries of Planning Theory: An Overview. I Mandelbaum m.fl. 1996.
Forester, John: Planning in the Face of Power. APA Journal 1982.
Lindblom, Charles E.: The Science of «Muddling Through» I Campbell and Feinstein 1996.
Mintzberg, Henry: The Pitfalls of Strategic Planning.
Harper, T. L. & S. M. Stein: Postmodernist Planning Theory: The Incommensurability Premise. I Mandelbaum m.fl. 1996.
Flyvbjerg, Bent: Ti udsagn om rasjonalitet og magt. Kap. 20 i Rasjonalitet og makt II. 1991.
Dagsaktuelle artiklar m.m. om m.a. ESDP og regional utvikling i EU. Sjå også om m.a. ESDP-perspektiv: http://www.nordregio.a.se/spespn/welcome.htm
Emnet vert evaluert i samsvar med HVO sitt kvalitetssikringssystem