Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Bachelor i drama/teater har ei praktisk-teoretisk tilnærming til faget og utviklar deg både som utøvar og som drama-/teaterpedagog. Studiet gir deg kunnskap om teaterproduksjon, kommunikasjon og mellommenneskeleg samspel som du kan nytte både i jobb og i sosiale samanhengar.

Studiet dannar grunnlag for vidare mastergradsstudie i drama og teater, arbeid som drama-/teaterpedagog i skule og kulturskule og som utøvar i det frie kulturlivet. For å få formell undervisningskompetanse i skuleverket, må du og ha fullført eit praktisk pedagogisk studium.

Læringsutbytte

Kunnskap

Studenten har kunnskap om

• teaterhistorie og tradisjonar, og utvalde teaterfornyarar
• sentrale drama- og teaterfaglege tema, teoriar og problemstillingar
• sentrale drama- og teaterfaglege metodar, verkty og prosessar
• eit bredt spekter av formidlings- og kommunikasjonsformer
• utvalde retningar innan vitskapsteori og metode

Ferdigheiter

Studenten kan

• nytte drama- og teaterkunnskap på praktiske og teoretiske problemstillingar, grunngje vala sine og analysere relevante kunstnarlege uttrykk
• nytte drama- og teaterkunnskapar og metodar på faglege og samfunnsmessige arenaer og grunngje vala sine
• planleggje og leie praktiske øvingar og opplegg åleine og saman med andre
• bruke drama- og teaterfaglege teknikkar, arbeids- og uttrykksformer i kunstnarleg formidling
• reflektere over eigen fagleg utvikling og gjere seg nytte av rettleiing i arbeid med teoretisk og praktiske oppgåver

Generell kompetanse

Studenten

• har innsikt i relevante faglege og yrkesetiske problemstillingar
• kan planleggje og gjennomføre varierte arbeidsoppgåver og prosjekt åleine og som deltakar i ei gruppe, og i tråd med etiske krav og retningslinjer
• kan formidle sentralt fagstoff som teoriar, problemstillingar og løysingar både skriftleg, munnleg og gjennom andre relevante uttrykksformer
• kan utveksle synspunkt og erfaringar med andre og slik medverke til utvikling av god praksis

Fagleg oppbygging

For å oppnå bachelorgrad må studenten ha til saman 180 studiepoeng. Drama/teater-studiet har 105 obligatoriske studiepoeng, men kan tilby 150 studiepoeng. Andre aktuelle fagemne som kan høve godt i kombinasjonen med drama og teater, er emne i kunst og handverk, musikk og media/IKT og norsk.

I 5. semester kan studenten velje å studere i utlandet.

Studentar som har teke drama/teater frå andre høgskular/universitet kan få dette innpassa etter søknad.

KULL 2011

KULL 2009 og 2010

Anna som vedkjem gjennomføringa av studiet

Det er lagt inn ei obligatorisk studiereise til eigen kostnad i haustsemesteret i første studieår.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling