Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Bachelorgradsstudiet kvalifiserer for arbeid i skuleverk, bedrifter og andre organisasjonar. Val av emne og fordjuping gir føringar for yrkeskvalifiseringa. Studenten vel studiespesielisering innan Idrett eller Friluftsliv eller kombinasjonen Idrett og Friluftsliv.
Studiet dannar grunnlag for vidare mastergradsstudium i friluftsliv, idrett og kroppsøving.

Læringsutbytte

KUNNSKAP
Alle tre studiespesialiseringane
Kandidaten
- har kunnskap om eitt breitt spekter av sentrale tema, teoriar, problemstillingar, endringsprosessar,
analyseverkty og metodar innanfor høvesvis idrettsfaglege eller friluftlivsfaglege
kompetanseområde,
- kjenner forsking, nasjonalt og internasjonalt,innan si studiespesialisering,
- har kunnskap, erfaringar og opplevingar i dei ulike disiplinane innanfor fagfelta idrett eller
friluftsliv,
- har kunnskap om fagfeltet si historie, tradisjon, eigenart og samfunnsrelevans.

FERDIGHEITER
Studiespesialisering Idrett og Friluftsliv
Kandidaten
- kan planleggje, legge til rette, gjennomføre og vurdere fysisk aktivitet og friluftsliv for born, ungdom
og vaksne,
- kan legge til rette for og gjennomføre helsefremmande og førebyggjande tiltak, med vekt på både
fysisk aktivitet og friluftsliv,
- har praktisk erfaring med og kan rettleie innan idrett og friluftsliv,
- har eigenferdigheit i praktiske aktivitetar,
- kan reflektere over sin eigen faglege utøving og justere denne under vegleiing,
- kan bruke relevante faglege analyseverkty, teknikkar og uttrykksformer.

Studiespesialisering Idrett
Kandidaten
- kan planleggje, legge til rette, gjennomføre og vurdere fysisk aktivitet for born, ungdom
og vaksne,
- kan legge til rette for og gjennomføre helsefremmande og førebyggjande tiltak, med særleg vekt på
fysisk aktivitet,
- har praktisk erfaring med og kan rettleie innan idrett,
- har eigenferdigheit i praktiske aktivitetar,
- kan reflektere over sin eigen faglege utøving og justere denne under vegleiing,
- kan bruke relevante faglege analyseverkty, teknikkar og uttrykksformer.

Studiespesialisering Friluftsliv
Kandidaten
- kan planleggje, legge til rette, gjennomføre og vurdere friluftsliv for born, ungdom og vaksne,
- kan legge til rette for og gjennomføre helsefremmande og førebyggjande tiltak, med særleg vekt på
friluftsliv,
- har praktisk erfaring med og kan rettleie innan friluftsliv,
- har eigenferdigheit i praktiske aktivitetar,
- kan reflektere over sin eigen faglege utøving og justere denne under vegleiing,
- kan bruke relevante faglege analyseverkty, teknikkar og uttrykksformer.

GENERELL KOMPETANSE
Alle tre studiespesialiseringane
Kandidaten
- kan utøve kritisk og sjølvstendig tenking og refleksjon over eigen praksis,
- kan presentere og formidle problemstillingar, synspunkt og løysingar, både skriftleg, munnleg og
gjennom andre relevante uttrykksformer,
- har innsikt i relevante fag- og yrkesetiske problemstillingar,
- kan planleggje og gjennomføre varierte arbeidsoppgåver og prosjekt som strekkjer seg over tid,
åleine og som deltakar i ei gruppe,
- kan formidle og drøftesentralt fagstoff som teoriar, problemstillingar og løysingar både skriftleg,
munnleg og gjennom andre relevante utrykksformer,
- kjenner til nytenking og innovasjonsprosessar.

Fagleg oppbygging

For å få godkjent bachelorgraden er kravet 180 stp.

I spesialiseringa Bachelor idrett og Bachelor friluftsliv er kravet minimum 120 stp innan idrett eller friluftsliv, 60 stp på grunnivå og 60 stp på fordjupingsnivå. Dei resterande 60 studiepoenga er valfrie.

I spesialiseringa Bachelor idrett og friluftsliv er kravet 120 stp på grunnivå og 60 stp på fordjupingsnivå, valfritt idrett eller friluftsliv. For opptak på fordjupingsnivået er kravet 60 stp på grunnivået innanfor den valde studiespesialiseringa.

I oppbygginga av bachelorgraden spesialisering friluftsliv kan studia Utefag 30 stp, Friluftsliv halvår, deltid 30 stp og World Heritage Experiences 30 stp også nyttast i ulike kombinasjonar. Ein kan søke om innpassing av desse studia, samt andre grunnstudium innan friluftsliv.

I oppbygging av bachelorgraden spesialisering idrett kan ein søke om innpass av andre grunnemne innan idrett.

Ein legg til rette for at studentar kan gjennomføre delar av studiet ved samarbeidande institusjonar både nasjonalt og internasjonalt. Anbefalast lagt til 5.semester.

For å få undervisningskompetanse i det offentlege skuleverket må studenten ha undervisningsfag og pedagogisk utdanning, til dømes PPU. Idrett er godkjent som undervisningsfag.

BACHELOR MED FORDJUPING I IDRETT

BACHELOR MED FORDJUPING I FRILUFTSLIV

BACHELOR - KRYSSLØP IDRETT OG FRILUFTSLIV M. VALFRI FORDJUPING

VALFRIE EMNE I IDRETT OG FRILUFTSLIV

Praksis

Anna som vedkjem gjennomføringa av studiet

Materialavgift på alle emne, mellom 100 og 300 kroner. Sjå emneplan.
I friluftslivstudia føreset ein at studenten kan å symje og at ein er fysisk skikka til å bere tung ryggsekk til fots og på ski.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling