Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Bachelor i kunst og handverk har i hovudsak ei praktisk tilnærming til faget og utviklar deg som utøvar i og formidlar av faget. Studiet fokuserer på teori og fagdidaktikk som refleksjonsgrunnlag og kvalifiserer for arbeid i skule, kulturskule og museum/galleri. Studiet kan nyttast som grunnlag for vidare søking innan kunstfaglege utdanningar og masterprogram.

Læringsutbytte

KUNNSKAP
Studenten
- har kunnskap om faget sine kjerneområde: ideutvikling, form, farge, komposisjon, teknikk, materiale og reiskap knytt til skapande prosessar i bilete, bruksform og arkitektur.
- har kunnskap om fagteori og fagdidaktikk som refleksjonsgrunnlag.
- har kunnskap om utvalde retningar innan vitskapsteori og metode

FERDIGHEITER
Studenten
- kan bruke ferdigheitene i faget sine kjerneområde: ideutvikling, form, farge, komposisjon, teknikk, materiale og reiskap knytt til skapande prosessar i bilete, bruksform og arkitektur.
- har ferdigheiter i å bruke fagteori og fagdidaktikk som refleksjonsgrunnlag knytt til fagleg utvikling og formidling.
- har ferdigheiter til velje relevante metodar for gjennomføring av fordjupingsarbeid.

GENERELL KOMPETANSE
Studenten
- har forståing for faget sitt potensiale til å fremje berekraftig utvikling og forvaltaransvar
- har evne og vilje til samhandling med menneske på tvers av kulturar.
- har evne til å formidle og presentere faget munnleg, skriftleg og gjennom relevante uttrykksformer.

Fagleg oppbygging

Bachelorprogrammet går over 3 år og utgjer 180 stp., bygd opp av 90 studiepoeng obligatoriske emne og 90 studiepoeng valfrie emne.
1. studieåret er ei årseining i kunst og handverk som er obligatorisk og dannar grunnlag for bachelorløpet.
2. studieåret kan studenten velje fire ulike valfrie emne som passar inn i den fagprofilen bachelorgraden skal ha. Dersom det 4. året skal byggjast på med PPU, kan valemnet vere 60 stp. i eit grunnskulefag. Valfritt emne kan òg vere eit semester eller to i utlandet. HVO tilbyr eit rikt utval av samarbeidande institusjonar over heile verda.
3. studieåret er samansett av to obligatoriske fordjupingsemne og to valfrie emne.

Valfrie emne innan kunst og handverk rullerer og kan vere:
KOH 115: Trearbeid og bruksformdesign
KOH 116: Leire – design og produktutvikling
KOH 117: Fiber, funksjon og friluft. Formgiving av tekstile bruksformer til utebruk.
KOH 122: Tradisjonshandverk I tre og tekstil
PAI 101 : Photo , Art and Illustration

Innpassingar av tilsvarande emne eller utdanningar andre høgskular/ universitet skjer etter søknad. Studiet har ulike vurderingsformer som er nærare omtala i dei aktuelle emneplanane.

Anna som vedkjem gjennomføringa av studiet

Ei studiereise er lagt inn som ein obligatorisk del i KOH 201. Reisemål varierer frå år til år og studentane kan koma med ønskje. Ein del av materialane som vert nytta vert kjøpt inn felles og studentane må difor betale ei material-og verkstadavgift. Summen for kvart emne er å finne i den aktuelle emneplanen.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling