Studietilbod - Høgskulen i Volda

Studieprogramnamn

Matematikk 2

Engelsk studieprogramnamn

Mathematics for Teachers 2

Studietype

Halvårsstudium, vidareutdanning

Studiepoeng (ETCS)

30

Studielengd

2

Opptakskrav

REALFA: R1/(S1og S2) og enten (R1+R2) eller (FYS1+2) eller (KJE1+2) eller (BIO1+2) eller (INFO1+2) eller (GEO1+2) eller (TEK1+2) eller tilsvarande realfag frå reform 94 og tidlegare reformer.

For studentar med fullført lærarutdanning som ønskjer å ta studiet som vidareutdanning er det ingen særskilte forkrav. Studiet kan takast parallelt med Matematikk 1.

Innleiing

Studiet rettar seg i mot arbeid med matematikk i grunnskulen. Studiet gir ei grunnleggjande innføring i grunnskulen sitt matematikkfag med vekt på ungdomsskulesteget. Studiet gir grunnlag for vidare studium på Matematikk 3.

Læringsutbytte

Studentane skal etter fullført studieprogram ha kunnskap innan matematikkdidaktiske og matematikkfaglege emne som er relevante for grunnskulen, med særleg vekt på ungdomsskulen. Studentane skal ha ferdigheiter i å kunne planleggje, organisere, gjennomføre og vurdere ulike læreprosessar for elevar i grunnskulen. Studentane skal ha innsikt i matematikkfaget si rolle i høve til andre fag, til kultur og samfunnet elles.

Fagleg oppbygging

Emnetabell:

Emnekode	Emnets navn	S.poeng	O/V *)	Studiepoeng pr. semester
				S1(H)	S2(V)
MAT113	Tallære, algebra og geometri på ungdomstrinnet	15,00	O	15
MAT114	Statistikk, sannsyn og funksjonlære på ungdomstrinnet	15,00	O		15
Sum:				15	15

*) O - Obligatorisk emne, V - Valgbare emne

Praksis

Studentar som tek studiet i 3. året i si allmennlærarutdanning skal følgje ordinært praksisopplegg.
Andre studentar må gjere eit praksiskompensatorisk didaktisk arbeid, nærmare informasjon vert gitt ved semesterstart.

Anna som vedkjem gjennomføringa av studiet

Innhaldet i studiet Matematikk 2 er endra etter innføring av ny rammeplan for allmennlærarutdanning frå hausten 2003. Gamle variantar av Matematikk 1, Matematikk 2 og Matematikk 3 kan ha overlappande innhald med emna i det nye studiet Matematikk 2. Studentar som får eit ikkje uvesentleg overlapp i innhald mellom desse emna og matematikkemne dei har frå før, kan etter vurdering få høve til å velje eit individuelt fordjupingsområde for å unngå studiepoengsreduksjon. Studenten må sjølv ta kontakt med fagansvarleg for det enkelte emne for å gjere ein skriftleg avtale om individuell tilpassing av pensum og vurderingsordning. Frist for å gjere slik avtale er 1. september for MAT113 og 1. februar for MAT114.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem.

Studieprogramansvarleg

Ole Einar Torkildsen, tlf 70075281, ole.torkildsen@hivolda.no (kan bli endra)

Studieprogramkode

MA2

Avdeling

AHL

	English
	Vis studieinformasjon
	Emnetabellar
	Utskriftsvennlig versjon