Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Målet med studiet er å gi studentane kompetanse i korleis dei kan bruke ulike kommunikative arbeids- og planleggingsmetodar for å løyse utfordringar i samfunnsplanlegging og -utvikling.

Studiet kan gjennomførast som frittståande vidareutdanning, eller som valfritt emne i mastergradane i samfunnsplanlegging og leiing og helse- og sosialfag ved HVO

Læringsutbytte

Gjennom forelesingar, dialog, heimeoppgåver og praktiske øvingar skal studentane utvikle:

• Kunnskap om proaktivt utviklingsarbeid og prosjektarbeid
• Kunnskap om kommunikative metodar i ein teoretisk og filosofisk samanheng
• Kompetanse til sjølv å bruke kommunikative metodar i organisasjons- og samfunnsutviklingsarbeid
• Kompetanse til kritisk vurdering av ulike modellar og "oppskrifter" for medverknads- og planprosessar i samfunn og organisasjonar
• Praktisk handlingskompetanse i å lage planprogram/planstrategiar og å designe og leie utviklingsprosessar og prosjekt
• Evna til kritisk refleksjon over eiga og andre si rolle i gruppeprosessar

Fagleg oppbygging

Bruken av kommunikative metodar som idedugnad, kreativ problemløysing osv. i plan- og utviklingsarbeid har som formål å skape gruppeprosessar som fremmar deltaking, dialog, kreativitet m.m. og som gir forankring av og forplikting til dei løysingane som ein kjem fram til. Brei deltaking blir i dag rekna som ein føresetnad for vellykka utviklingsarbeid både i samfunn og i organisasjonar.

Studiet er øvingsorientert med stor vekt på gruppearbeid med sams metodelæring og erfaringsutveksling på tvers av fag, forvaltningsnivå og offentlig-, privat- eller frivillig sektor m.m. Øvingane tek utgangspunkt i dei utfordringar som deltakarane sjølv har, og gjennom gruppearbeid skal dei få hjelp til korleis dei kan utforme ein prosessdesign for å arbeide med utfordringane.

Tema:
- Ideutvikling og kreativ problemløysing som ledd i strategiutvikling og kommunikativ planlegging
- Målretta utviklingsarbeid – utfordringar, teoriar og metodar
- Prosessplanlegging – frå utfordring til handling

Anna som vedkjem gjennomføringa av studiet

Det er krav om 80% frammøte til undervisninga. Asle Farner og Susanne Moen Ouff er faste lærarar på dette programmet/emnet.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem

Studieprogramansvarleg

Studieprogramkode

Avdeling