Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Studiet gir innføring i sentrale samfunnsvitskaplege emne, med viktige teoretiske innslag frå fagområde som samfunnsgeografi, sosiologi, statsvitskap, organisasjonsteori, økonomi og jus. Søkelyset er særleg retta mot samfunnsutvikling og planlegging i ein lokal og regional kontekst..

Studiet tilsvarar første året i Bachelor i planlegging og administrasjon

Læringsutbytte

Det er eit mål at studenten skal ha kunnskap om og forståing av:

• økonomiske, sosiale og miljømessige utviklingstrekk og dei politiske utfordringar desse gir for å fremje heilskapleg berekraftig utvikling
• viktige trekk ved samfunnsvitskapleg tenkemåte og tverrfagleg samfunnsforsking

Det er eit mål at studenten skal kunne:

• analysere og forstå enkle utviklingstrekk i samfunnet og styringsverket når det gjeld å legge til rette for berekraftig samfunnsutvikling
• reflektere fagleg rundt sentrale samfunnsvitskaplege omgrep og gjere bruk av desse på ein kritisk måte

Det er eit mål at studenten generelt skal:

• kunne arbeide sjølvstendig med nærare definerte problemstillingar
• kunne vurdere problemstillingar ut frå ulike perspektiv og på bakgrunn av dette drøfte ulike løysingsalternativ

Fullført studium vil gi kandidatane eit fagleg godt og allsidig grunnlag for forståing av samfunnet og samfunnsutviklinga.

Fagleg oppbygging

Studieprogrammet gir 60 studiepoeng og går over to semester, og inneheld to tverrfaglege emne, IPA 111 Samfunnskunnskap og IPA 112 Forvaltningskunnskap , kvar på 30 studiepoeng.

Begge emna går parallelt gjennom haust- og vårsemesteret. Samfunnskunnskap gir ei grunnleggande innføring i sentrale samfunnsgeografiske, sosiologiske, statsvitskaplege og samfunnsøkonomiske emne. Forvaltningskunnskap rettar søkelyset mot viktige lokale og regionale planleggings- og forvaltningsoppgåver.

Lokalsamfunnsanalyse inngår som eit større tverrfagleg prosjektarbeid, og er definert som obligatorisk arbeidskrav i begge dei to aktuelle emna. Med utgangspunkt i aktuelt teoristoff og samfunnsvitskapleg metode vil studentane her få ving i å førebu, gjennomføre og presentere eit analysearbeid som byggjer på feltarbeid og datainnsamling i utvalde kommunar og lokalsamfunn. Hovuddelen av arbeidet med Lokalsamfunnsanalysen er lagt til siste del av vårsemesteret.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling