Finn eit
studium
Pil til søkefelt

 

 

 


Utskriftsvennleg versjon

 

 

Studietilbod

 

 

Ressursar

 

 

Bjørg Nesje Nybø – mastergradsstudent i nynorsk skriftkultur:

Etter å ha arbeidd som omsetjar og hatt språk som arbeidsreiskap i mange år, vekte mastergraden i nynorsk skriftkultur interessa mi først og fremst fordi eg her kunne lære meir om skriftkultur, men òg fordi eg kunne få høve til å ruste opp nynorsken min, som hadde lege brakk i mange år. Det tiltalte meg at språksituasjonen i Noreg ville bli samanlikna med språksituasjonen i andre land, og dermed lyfta opp på eit meir internasjonalt plan. Den tverrfaglege innfallsvinkelen gjorde at dette såg særs spennande ut, noko det også viste seg å vere.

Med eit finpussa nynorsk skriftspråk kunne eg no få omsetjingsarbeid til nynorsk, mellom anna i Utanriksdepartementet og som tekstar i NRK. Men det viktigaste var at eg med mastergraden kunne gå vidare til eit doktorgradsprosjekt i nynorsk skriftkultur. Som deltidsstudent med jobb ved sida av, var studiet lagt godt til rette, med undervisninga konsentrert om nokre få veker i semesteret. Studentar med ulik bakgrunn og stor spreiing i alder gav eit spennande og interessant studiemiljø. Med dyktige førelesarar henta inn frå heile landet var vi sikra eit høgt fagleg nivå.