Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Norsk 2 Språk og litteratur er eit tilbod for studentar som har teke Norsk 1 i lærarutdanninga, og som ønskjer vidareutdanning i norsk. Tilbodet er sett saman av to emne frå årsstudiet i norsk. Norsk 2 Språk og litteratur gir 30 studiepoeng i tillegg til 30 studiepoeng frå Norsk 1 i lærarutdanninga.

Studiet gir undervisningskompetanse i skuleverket. Studiet kvalifiserer også for opptak på fordjupingsstudiet i norsk (nordisk) språk og/eller litteratur ved HVO.

Læringsutbytte

Etter fullført Norsk 2 skal studenten

• ha grunnleggande kunnskapar om norsk språk og litteratur i fortid og notid
• vere fortruleg med hovudprinsipp for tekst- og sjangeranalyse
• kunne gjere greie for språk i sosial, kulturell og historisk kontekst
• kunne formulere ein samanhengande, resonnerande tekst i samsvar med generelle krav til akademisk oppgåveskriving
• ha solide ferdigheiter i nynorsk og bokmål

Fagleg oppbygging

I haustsemesteret ligg vekta på grunnleggande innføring i dei litterære hovudsjangrane og i praktisk tekstanalyse. Språkdelen i vårsemesteret har eit kulturperspektiv. Her blir det arbeidd med språket i lys av historiske og sosiale forhold.

Studiet er sett saman av to emne, kvart på 15 studiepoeng: NO103N-AVG Tekst og struktur og NO102N-AVG Språket som kultur . Kvart emne har tre tyngdepunkt (TP):

NO103N-AVG Tekst og struktur

TP 1: Lyrikk
TP 2: Epikk
TP 3: Dramatikk

NO102N-AVG: Språket som kultur

TP 1: Talemål og sosiolingvistikk
TP 2: Skriftkultur og språkhistorie
TP 3: Personnamn og innbyggjarnamn

Norsk 2 Språk og litteratur er nettbasert. Undervisninga blir gitt gjennom nettleksjonar og oppgåveskriving med individuell rettleiing.

Oppstart haust

Oppstart vår

Praksis

Anna som vedkjem gjennomføringa av studiet

Den eine eksamensoppgåva skal skrivast på bokmål, den andre på nynorsk.

Studiet blir også tilbydd samlingsbasert utan avgift.

Evaluering og kvalitetssikring

Studiet blir evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling