Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Fordjupingsstudiet i norsk (nordisk) språk og litteratur kan inngå i ei lærarutdanning eller utgjere fordjupingskomponenten i ei bachelorgrad. Det kan også nyttast som grunnlag for eit masterstudium ved universitet og høgskular. Med ein særeigen kulturprofil er studiet eit godt grunnlag for masterstudiet i nynorsk skriftkultur ved Høgskulen i Volda. Studiet gir undervisningskompetanse i norsk i ungdomsskule og vidaregåande skule, eller i andre yrkessamanhengar der ein treng kompetanse i språk eller litteratur. Dei som tek faglærarutdanning må i tillegg ta praktisk-pedagogisk utdanning.

Læringsutbytte

Etter gjennomført fordjupingsstudium skal studenten

• ha solide kunnskapar innafor eit avgrensa språkleg og litterært felt
• kunne formulere relevante problemstillingar med grunnlag i spesifikke trekk ved studieobjekt og relevant teori
• ha utvikla gode språklege og litterære analyseferdigheiter i samsvar med metodiske krav
• kunne utforme analyseresultata sjølvstendig og reflekterande i ein tekst som tilfredsstiller krava til ei vitskapleg framstilling

Fagleg oppbygging

Fordjupingsstudiet i norsk (nordisk) språk og litteratur kan setjast saman av eit språkleg og eit litterært emne, to språkleg emne, to litterære emne, eller eit emne i enten språk eller litteratur og eit individuelt oppgåveemne i same disiplin i det påfølgjande semesteret. Kvart av emna er på 15 studiepoeng. Den individuelle oppgåva svarar til ei bacheloroppgåve. Den kan også takast i tillegg til dei andre variantane. Du vel sjølv om du vil ta eitt eller to emne per semester.

Studenten må ha fullført undervisningsemnet før han/ho kan få opptak på oppgåveemnet.

Ein kan velje mellom følgjande undervisningsemne:

NO201 Nynorsk skriftkultur (Haust)
Emnet tek føre seg framveksten av skriftspråket som grunnlag for ein skriftkultur i Noreg. Studiet gir dessutan ei brei innføring i norsk målreisingssoge og nynorsk som bruksmål, med vekt på skulemål, kyrkjemål, administrasjonsmål og nynorsk i media.

NO205 Talemål i endring (Vår)
Emnet gir ei fordjuping i talemålsutviklinga i Noreg i dag. Spørsmålet om kva som kan forklare endringane, står sentralt.

NO203 Livshistorier (Haust)
Emnet set søkjelyset på eit utval biografiar og biografiske romanar frå seinare tid. Med utgangspunkt i desse tekstane og med støtte i moderne litteraturteori tek ein opp til drøfting forholdet mellom forteljing, røyndom og identitet.

NO204 Litteratur og sjukdom (Vår)
I dette emnet arbeider ein med sjukdom som motiv i eldre og nyare litteratur. Ulike former for sjukdom kan bli forstått som eit individs motstand og opprør mot kulturelle og samfunnsmessige forhold, eller vere uttrykk for kreativitet og/eller problematisering av normalitetsomgrepet.

Oppgåveemne :

NO211 Oppgåveemne i språk (Haust og vår)

NO213 Oppgåveemne i litteratur (Haust og vår)

Praksis

Anna som vedkjem gjennomføringa av studiet

Ein rår til at studentar som vurderer å søkje, har C eller betre i gjennomsnittskarakter frå årsstudiet i den disiplinen dei vel å fordjupe seg i.

Studenten vel sjølv målform på oppgåvene.

Evaluering og kvalitetssikring

Studiet blir evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling