Studieprogramnamn

Engelsk studieprogramnamn

Studietype

Studiepoeng (ETCS)

Studielengd

Opptakskrav

Innleiing

Moderniseringa av offentlig sektor blir sett i lys av fleire teoretiske perspektiv og nyare forsking med sikte på å gjere deltakarane til reflekterte leiarar med kompetanse til kritisk og konstruktiv vurdering av ulike modellar og oppskrifter for organisering og leiing.

Studiet er spesielt eigna for leiarar av resultateiningar, avdelingar samt topp- og mellomleiarar i kommunar, fylkeskommunar og stat. Studiet er også eigna for dei som søker slike stillingar. Studiet gir høve til å fordjupe seg i leiing av helse- og sosialtenesten eller i skulesektoren.

Studiet kan fullt ut innpassast i Master i samfunnsplanlegging og leiing, sjå det studieprogrammet.

Læringsutbytte

Studentane skal gjennom studiet utvikle:

• Kunnskap om perspektiv, teoriar og metodar som er relevante for offentleg organisering og leiing
• Kompetanse til å analysere og forstå utviklingstrekka og utfordringane i offentleg sektor
• Evne til kritisk vurdering av ulike modellar og oppskrifter for offentleg organisering og leiing
• Praktisk handlingskompetanse i målretta organisasjonsutvikling, kompetanseutvikling og leiing
• Evna til kritisk refleksjon over rolla som leiar

Fagleg oppbygging

Samansetting av studiet

Studiet er samansett av emne på 15 og 30 poeng. Emna Offentleg organisering og leiing (15 poeng) og Leiing og personalutvikling (15 poeng) er obligatoriske. Ein må i tillegg ta valfrie emne på til saman 30 poeng. Ein kan velje dei valfrie emna frå ein meny av førehandsgodkjende emne, eller søke om å få godkjend andre emne. Høgskulen kan setje sperre mot einskilde emne med fagleg overlapping. Tilbodet av emne ved Høgskulen i Volda kan variere frå år til år. For dei valfrie emna kan det vere særskilde opptakskrav (sjå emneplanane).

Ved oppstart blir det skrive utdanningsavtale mellom høgskulen og kvar einskild student om kva for emne studenten skal ta (valfrie emne, innpassing av anna utdanning som erstatning for obligatoriske emne, utanlandsstudium m.m.) og framdrifta av studiet (heiltid, deltid, rekkefølgje på emne m.m.).

Undervisning tilrettelagt både for deltids- og heiltidsstudium

Undervisninga på kvart emne er organisert med vekesamlingar. For heile vidareutdanninga er det omlag 12 samlingar fordelt over heile studieåret. Organiseringa av undervisninga i samlingar har vist seg å fungere godt både for deltids- og fulltidsstudentar, og spesielt for å kombinere utdanning med arbeid på heiltid eller deltid. Det er lagt stor vekt på å kombinere førelesingar med seminar, gruppearbeid m.m. og på arbeidsoppgåver mellom samlingar og som inngår i evalueringa. Studentar kan i stor grad arbeide med eigne tema og arbeidsoppgåver. E-mail, web-program m.m. vert aktivt brukt for å følgje opp og rettleie studentar. Når det er samlingar i Volda, vil Studentsamskipnaden for Sunnmøre normalt kunne tilby studenthyblar.

Innpassing av tidlegare utdanningar

Tidlegare studentar ved HVO som har fullført ti-vekttalseiningar og som etter 2000 er oppgraderte til mastergradsnivå, kan få innpassa desse heilt eller delvis i vidareutdanninga. Det tidlegare emnet Helse- og sosialadministrasjon blir innpassa som ekvivalent med valfritt mastergradsemne Ledelse i helse- og sosialtjenesten, 30 stp. Emna Leiing for offentleg tilsetje (LOT) og Offentleg organisering og leiing blir begge blir innpassa som valfritt emne på 30 studiepoeng. Det same blir mastergradsemnet Kommunal leiing.

Når det gjeld tidlegare gjennomførte ti-vekttalseiningar eller anna utdanning på masternivå frå andre høgskular og universitet, kan studentane søke om å få desse innpassa. Vi krev då at studentane legg fram dokumentasjon frå den aktuelle institusjonen om det faglege innhaldet slik at HVO kan vurdere innpassing av emne i studiet. Slik innpassing vil dels skje i form av krav som vert stilt for opptak, dels i individuelle og gjensidig godkjende utdanningsplanar som vert utarbeidd ved starten av eller i løpet av studiet.

Innpassing av utanlandsopphald
Studentar kan søke om å få innpassa relevente emne som dei ønskjer å ta ved høgskular og universitet i andre land. Slike emna må vere på mastergradsnivå. I samband med planlagt utlandsopphald vil høgskulen hjelpe til med å organisere og førehandsgodkjenne utdanning og/eller praksis.

Evaluering og kvalitetssikring

Studieprogrammet vert evaluert i samsvar med HVO sitt kvalitetssikringssystem.

Studieprogramansvarleg

Studieprogramkode

Avdeling