Skuleretta samfunnsfag

Om programmet

Vil du forstå meir om samanhengar mellom natur og samfunn, i fortid og notid? Kunnskap om styresett, levekår, globale spørsmål og norsk geografi og historie er sentrale tema for årsstudium i samfunnsfag. Studentane skal få ei grunnleggjande innføring i utvalde tema i skulefaga/vitskapsfaga geografi, historie og samfunnskunnskap, og fagdidaktikk vil difor vere eit gjennomgåande perspektiv. Til emnet Aust-Afrika er det lagt opp ein studietur på om lag ein månad til Kenya.

Oppbygging og gjennomføring

Følgjande emne inngår i studiet:

- Natur og samfunn i Noreg (15 stp.)

- Konfliktar i samfunnet (15 stp.)

- Politikk og demokrati: Kontinuitet og vendepunkt (15 stp.)

- Aust-Afrika (15 stp.)

Dei som tek dette studiet som del av grunnskulelærarutdanninga, skal ha undervisningspraksis i samsvar med gjeldande modell (seks veker for eit heilt studieår). Dei studentane som ikkje skal ha praksis, skal gjere anna studiearbeid med tilsvarande omfang.

I studieplanen finn du detaljert informasjon om organisering, gjennomføring og eksamen.

Aktuelle yrke og vidare studium

Studieprogrammet er profesjonsretta mot arbeid i skuleverket og andre formidlingssamanhengar. Det kan inngå som valfri del i ulike bachelorgradar.